විෂයපථය
දිගුකාලීන විදුලි ජනන සැලැස්ම උපයෝගී කර ගනිමින්, සියලුම නාගරික හා ග‍්‍රාමීය ප‍්‍රජාවගේ අවශ්‍යතාවයන් සඳහා විදුලි බල අවශ්‍යතා සපුරාලීම හා ශ්රී ලංකාවේ ව්‍යාපාරවල වෙළඳපළ තරගකාරීත්වය තහවුරු වන විදුලි බලය සැපයීම හා බලශක්ති සුරක්ෂිතතාවය ස්ථාපිත කිරීම
කාර්යයන් හා කර්තව්‍යයන්
“සෞභාග්‍යයේ දැක්ම” ප්රතිපත්ති ප‍්‍රකාශයට අනුකූලව සහ රජය මගින් ක්රියාත්මක කිරීමට අපේක්ෂිත වෙනත් ජාතික ප‍්‍රතිපත්තීන් මත පිහිටා “අඩු වියදම් විදුලි ජනන සම්මිශ‍්‍රණයක් හා කාර්යක්ෂම බෙදාහැරීමක් සහතික කිරිම” සඳහා අදාළ රාජ්‍ය අමාත්‍යාංශ සඳහා ප‍්‍රතිපත්තිමය මගපෙන්වීම සිදු කිරීම සහ නියමිත නීති සහ අණපනත්වලට අනුකූලව විදුලිබල විෂයයට අදාළ ප්රතිපත්ති සම්පාදනය, ජාතික අයවැය, රාජ්‍ය ආයෝජන හා ජාතික සංවර්ධන වැඩපිළිවෙල යටතේ ඇති ව්‍යපෘති ක්රියාත්මක කිරීම සහ පහත දැක්වෙන දෙපාර්තමේන්තු, රාජ්‍ය සංස්ථා හා ව්‍යවස්ථාපිත ආයතනයන්හි විෂයයන් හා කාර්යයන් හා ඊට අදාළ, ප්රතිපත්ති වැඩසටහන් සහ ව්‍යාපෘති සම්පාදනය කිරීම, ක්රියාත්මක කිරීම, පසු විපරම් කිරීම හා ඇගයීම.
සුවිශේෂී ප‍්‍රමුඛතා
- ජනනය කරන ලද විදුලිබලයේ කාර්යක්ෂමතාව සහ උපරිම භාවිතය සහතික කිරීම සඳහා සුහුරුජාලයක් සංවර්ධනය කිරීම
- ලක් විජය ගල් අගුරු විදුලි ජනන ව්‍යාපෘති ධාරිතාව සඳහා ආයෝජන පුළුල් කිරීම
- පුනර්ජනනීය බලශක්ති, තාප බලාගාර, ස්වභාවික බලාගාර සම්මිශ‍්‍රණ තුළනය කරමින් විදුලි ජනනය සඳහා දරනු ලබන පිරිවැය අඩු කිරීම හා ජනනයේදී ඇතිවන අවිනිශ්තතා ඉවත් කිරීම
- දිගුකාලීන අවශ්‍යතා පදනම් කරගත් විදුලි ජනන සැලැස්ම ක්රියාත්මක කිරීම
- විදුලි සම්ප්‍රේෂණ හා බෙදාහැරීම් ක‍්‍රියාවලිය කාර්යක්ෂම කිරීම
- කාර්මික නිෂ්පාදන ක‍්‍රියාවලියේ ජාත්‍යන්තර තරගකාරීත්වය පවත්නා පරිදි විදුලිබල පිරිවැය අවම කිරීම
2009 අංක 20 දරන ශ්රී ලංකා විදුලිබල පනතේ අපේක්ෂාවන්
- සැමට සෑම අවස්ථාවකදීම පැය 24 පුරා අඛණ්ඩ විදුලි සම්පාදනයක් ලබා දීම
- සාධාරණ වියදම් අයකර ගැනීමක් සහතික කිරීමට රජයට, පාරිභෝගිකයින්ට සහ උපයෝගීතා ආයතනවලට පිළිගත හැකි පාරදෘශ්‍ය අයක්‍රම ප්‍රතිපත්තියක් අනුගමනය කිරීම
- උපයෝගීතා ආයතන වෙතින් විදුලිබලය ප්‍රසම්පාදනය කිරීම, පාරදෘශ්‍ය විදුලි බලාගාර බෙදාහැරීම් වැඩසටහන 2009 ස්ථාපිත කිරීම සහ කළමනාකරණ තොරතුරු උසස් කිරීම සඳහා අඩු වියදම් සහිත උත්පාදන සැලසුම් ක්රියාත්මක කිරීම සහ උපයෝගීතා ආයතන වෙතින් විදුලිබලය ප්‍රසම්පාදනය කිරීම සඳහා විවෘත තරඟකාරී පාරදෘශ්‍ය ලංසුකරණ ක්‍රියාවලියක් අනුගමනය කිරීම
- නවතම තාක්ෂණ ප්‍රගමනයන් සමඟ සැසදෙන පරිදි විධිවිධාන යාවත්කාලීන කිරීම සහ පාරිභෝගිකයින්ගේ හිමිකම් සහ ප්‍රගමනයන් ආරක්ෂා කිරීම සහ පාරිභෝගිකයින්ගේ සුභසාධනය සහතික කිරීම
- ලංකා විදුලිබල මණ්ඩලය එහි කාර්යභාරයන් සම්බන්ධයෙන් සාමාන්‍ය මහජනතාවට, පාරිභෝගිකයින්ට සහ රජයට වගකියන ආයතනයක් බවට පත් කරන අතර, එය වඩා කාර්යක්ෂම සහ ඵලදායී කිරීම.]
ව්‍යවස්ථාපිත ආයතන
විදුලිබල හා බලශක්ති අමාත්‍යාංශ විෂය පථය යටතේ පවත්නා ප්‍රධාන ආයතන පහත පරිදි වේ:
- ලංකා විදුලිබල මණ්ඩලය
- ලංකා විදුලි (පෞද්ගලික) සමාගම
- එල්ටීඑල් හෝල්ඩිංස් (පෞද්ගලික) සමාගම
- ලංකා ගල්අඟුරු (පෞද්ගලික) සමාගම
අමාත්‍යාංශයේ යටතේ ක්රියාත්මක අංශ
- පරිපාලන හා ප්‍රසම්පාදන අංශය
- තාපබල සම්ප්‍රේෂණ හා බෙදාහැරීම් අංශය
- ප්රතිපත්ති, තාක්ෂණ හා පර්යේෂණ අංශය
- සැලසුම් අංශය
- ගිණුම් අංශය
- අභ්‍යන්තර විගණන අංශය